Saynisyahankii Caanka ahaa ee Reer Suuriya Oo Lagu dilay Gurigiisa oo ku yaalla Magaalada Dimishiq

Saynisyahankii caanka ahaa ee u dhashay Suuriya, Dr. Xamdi Ismaaciil Nada ayaa lagu warramaya in lagu dilay gurigiisa oo ku yaalla magaalada Dimishiq ee caasimadda Suuriya, sida ay ku warrameen warbaahinta Suuriya iyo wakaaladda wararka Iran ee IRNA.

Ma jirto cid sheegatay mas’uuliyada dilkan, lamana aqoonsan kooxda ka dambeysay, balse weerarkan ayaa ina xasuusinaya wixii ka dhacay Ciraaq markii la riday nidaamkii Sadaam Xuseen,xilligaa oo ay Ciraaq ka dhaceen dilal qorsheysan oo lagu beegsaday saynisyahannadii khibrada u lahaa kiimikada iyo hubka.