Wasiirada Dekadaha iyo Duulista Hawada XFS Maxamuud Aadan Geesood iyo Fardowsa Cismaan Cigaal ayaa maanta ku soo dhoweeyay Dekadda magaalada Muqdisho wafti ballaaran oo ka socda Saldanadda Dalka Cummaan oo uu hoggaaminaayo Wasiirka Gaadiidka, Isgaarsiinta iyo Tiknoolajiyadda Eng. Saciid Bin Xaamud Bin Saciid kuwaas oo maalmahaan ku sugaan magaalada Muqisho.
Wasiirka Dekadaha iyo Gadiidka Badda XFS Maxamuud Aadan Geesood ayaa waxbixin ka siiyay wafdiga shaqada baaxadda leh ee ka socota Dekadda Muqisho, Wasiirka ayaa la wadaagay madaxda ka socotay Cummaan horumarrada uu gaaray dalkeenna iyo sida diyaar loogu yahay cidkasta oo maalgashi ku samaysanaysa.
Dhankiisa, Wasiirka Gaadiidka, Isgaarsiinta iyo Tiknoolajiyadda Saldanadda Cummaan Eng. Saciid Bin Xaamud Bin Saciid ayaa uga mahadceliyey wasiirada iyo shacabka Soomaaliyeed soo dhoweynta wanaagsan oo ay u fidiyeen isaga iyo wafdigiisa, waxa uuna boggaadiyey guulaha ay ku tallaabsatay Dowladda Federaalka Soomaaliya gaar ahaan dhinacyada amniga, la dagaallanka argagixisada iyo horumarinta kaabayaasha dhaqaalaha Dalka.
