Askarta IDF waa inay diidaan amarada u dhigma dembiyo dagaal, wasiirkii hore ee amniga Israa’iil ayaa u sheegay BBC.
Maadaama uu ahaa qof lasoo shaqeeyay afar ra’iisul wasaare oo Israa’iil ah, ahaana ku xigeenka madaxa golaha amniga qaranka, Eran Etzion go’aankiisa waxaa lagu aaminay heerarka ugu sarreeya ee dowladda.
Waxa uu muddo dheer dhaliili jiray ra’iisal wasaare Benjamin Netanyahu, sidoo kale waa nin sannadihii uu shaqada bulshada u hayay ku mutaystay ixtiraam weyn.
Laakiin hadda Mr Etzion, oo ah askari hore, ayaa ka digaya in – Ciidamada Difaaca Israa’iil (IDF) – laga yaabo in ay dembiyo dagaal ka geystaan waqooyiga Gaza.
Waxaana uu soo jeedinayaa in saraakiisha iyo askarta ay diidaan amarrada sharci darrada ah.
“Waa inay diidaan, haddii askari ama sarkaal laga filayo inuu sameeyo wax lagu tuhmi karo dembi dagaal, waa inay diidaan. Taasi waa waxa aan samayn lahaa haddii aan anigu ahaan lahaa. Taasi waa waxa aan u malaynayo in askari kasta oo Israa’iil ah sameeyo.” “ayuu u sheegay BBC-da.