Wasiirka Arrimaha Dibadda Soomaaliya oo wada hadallo rasmi ah kula leh magaalada Qaahira dhiggiisa Masar.

Wasiirka Arrimaha Dibadda Soomaaliya, Danjire Axmedd Macallin Fiqi oo shalay gaaray magaalada Qaahira ee caasimadda dalka Masar, ayaa wada hadallo rasmi ah halkaas kula leh dhiggiisa dalka Masar Mudane Badar Cabdilati.

Wada hadalladan ayaa diiradda lagu saaray xoojinta xiriirka taariikhiga ah ee ka dhaxeeya labada dal, iyadoo xoogga la saaray horumarinta iskaashiga dhinacyada muhiimka ah, sida amniga, siyaasadda, waxbarashada iyo dhaqaalaha.

Cilaaqaadka soo jireenka ah ee Soomaaliya iyo Masar ayaa ku saleysan walaaltinimo iyo iskaashi waxtar leh, kaas oo qayb ka qaadanaya horumarinta labada dal.