Wasiirka A.Dibada Turkiga Oo Booqashadii Ugu Horeysay Bari ku Tagaya Itoobiya

Wasiirka Arrimaha dibadda Turkiga, Hakan Fidan ayaa booqashadii u horreysay 3 bishan Agoosto ku tagaya magaalada Addis Ababa ee xarunta dalka Itoobiya , halkaa oo uu kula kulmi doono Ra’iisul wasaare Abiy iyo dhiggiisa Itoobiya, Taye Atske Selassie, sida lagu sheegay warsaxaafadeed ay baahisay Wasaaradda Arrimaha dibadda Turkiga.

Booqashadan ayaa ku soo aadaysa xilli Baarlamaanka Turkiga uu dhowaan ansixiyay ciidan ka tirsan kuwa badda Turkiga oo xeebaha Soomaaliya loo geynayo, taa oo ku timid heshiis difaac oo ay Soomaaliya la gashay Turkiga , iyadoo looga jawaabayo heshiiskii badda ee Abiy uu la saxiixday Somaliland.