Seeriga digniinta ah ee ku saabsan weerarrada gantaallada ayaa saaka laga maqlay waqooyiga Israa’iil.
Ciidamada difaaca Israa’iil ayaa digniin u diray bulshooyinka ku xeeran magaalada Haifa iyo galbeedka Galiil, una dhaw soohdinta ay wadaagaan Israa’iil iyo Lubnaan.
Xisbulaah ayaa Ilaa 100 gantaal saaka ku riday waqooyiga Israa’iil, sida ay ku warrantay warbaahinta Israa’iil oo soo xiganaysa ciidamada difaaca Israa’iil ee IDF.
Mar sii horreysay, ciidamada difaaca Israa’iil ayaa soo saaray digniin cusub oo ku aaddan dadka ku nool tuulooyinka ku dhow 25 tuulo ee koonfurta Lubnaan inay guuraan.
Digniintan ayaa daba socotay mid kale oo shalay laga soo saaray isla tirada aagagga – ilaa shan tuulo oo farriintii u dambaysay lagu daray ayaa sidoo kale lagu daray digniintii shalay.
Digniintan ka soo baxday afhayeenka ayaa lagu baahiyay baraha bulshada, waxa ayna timid ka dib markii ay soo baxeen warar sheegaya iska horimaadyo ka dhacay koonfurta Lubnaan.