Ciidamada ismaamulka Tigreega ee Itoobiya iyo kuwa gobolka Axmaarada ayaa ku dagaalamay xadka ay wadaagaan labada gobol, sida ay shalay baahisay idaacadda gaarka loo leeyahay ee Wazema.
Waa dhacdadii labaad oo muddo shan maalmood gudahood ah dhexmarta labada dhinac.
“Iska horimaad kooban oo hubaysan oo u dhexeeya ciidamada Tigreega iyo maleeshiyada Axmaarada ayaa ka dhacay degmada Zata Ofla ee deegaanka Raya duhurnimadii Arbacada [21 February], Wazema ayaa ogaatay,” ayaa lagu yidhi website-ka.
Iska hor imaadka oo socday ku dhawaad saacad ayaa la sheegay in uu joogsaday kadib markii ay soo kala dhex galeen ciidamada dowladda Federaalka.
17kii Febraayo, Gobolka Tigray ayaa beeniyay in ciidamadoodu ay weerar ka soo qaadeen aagga xadka, taas beddelkeeda waxay ku eedeeyeen maleeshiyada dariska ah ee Amxaarada in ay soo weerareen ciidamadooda.