Madaxweynaha Jamhuuriyadda Federaalka Soomaaliya mudane Xasan Sheekh Maxamuud iyo wafdi uu hogaaminayo ayaa goordhaw gaaray magaalada Dooxa ee caasimadda dalka Qatar.
Madaxweynaha ayaa kulan ku saabsan xiriirka labo geesoodka ah iyo fursadaha lagu sii horumarin karo iskaashiga Soomaaliya iyo Qatar waxa uu la qaadan doonaa Amiirka dalka Qatar Amiir Tamiim Binu Xamad.
Dowladaha Soomaaliya iyo Qatar ayaa wadaaga iskaashi walaalnimo iyo xiriir dhow oo salka ku haya danaha wadajirka ah ee ay wadaagaan Labada dal iyo sooyaalka Labada Shacab.
Madaxweynaha Soomaaliya ayaa horey safar ugu tagay magaalada Qaahira ee caasimadda dalka Masar, waxa uuna halkaasi kulamo miro-dhal ah kula soo qaatay madaxweynaha dalka Masar Cabdifitaax Al Sisi.
