Shirka ayaa lagu gorfeeyay sidii dowladaha Puntland, USA, UK iyo Germany isaga kaashan lahaayeen la-dagaallanka Argagixisada, burcad-badeedda iyo Tahriibta sida uu sheegay Taliska Booliska Puntland.
Shirkaas waxa Taliyaha Booliska ku weheliyay Agaasimaha Hay’adda PISF, Gen. Amiin Xaaji Kheyr, ku-xigeenka Waaxda Denbi-baarista CID ee Booliska Puntland G/Sare Abshir Xuseen, iyo La-taliye ka tirsan Ciidanka Booliska Muuse Geelle.
Puntland ayaa dagaal kula jirta kooxo argagaxiso ah oo saldhig ka dhigtay dhulka buuraleyda ee Bari iyo sidoo kale kooxo burcad badeed ah oo mararka qaar afduub u geesta maraakiib iyo doonyo ku safra biyaha Soomaaliya.
