Saraakiisha Yurub ayaa ka digay xiisada u dhaxeysa Israel iyo Iran iyadoo ay sii kordhayaan khalalaasaha gobolka.
David Cameron, Xoghayaha Arrimaha Dibadda ee Boqortooyada Ingiriiska, ayaa ku qoray X in uu la hadlay wasiirka dagaalka Israel Benny Gantz.
Labaduba waxay ka wadahadleen “walaaca ay wadaagaan ee ku saabsan hanjabaadda Iran ee ku wajahan Israa’iil,” Cameron ayaa qoray, isagoo raaciyay “in sii kordheysa xiisadda gobolka aysan cidna dani ugu jirin waxayna halis gelinaysaa nolol kale oo rayid ah.” ayuu yiri.
“Ingiriisku wuxuu sii wadi doonaa inuu la shaqeeyo asxaabteena si aan u taageerno amniga gobolka,” ayuu intaas ku daray Cameron.
Wasiirka Arimaha Dibada ee Norway Espen Barth Eide ayaa sidoo kale soo dhejiyay bartiisa X , in uu aad uga walaacsan yahay warbixinada suurtagalka ah (weerarada) ee ka dhanka ah Israel” iyo in Norway ay ugu yeerto “dhammaan dhinacyada inay is xakameeyaan oo ay ka fogaadaan xiisadda.”
“Norway waxay cambaaraysay weerarka lagu qaaday qunsuliyadda Iran ee Dimishiq. Waa lama huraan in sharciga (caalamka) la ixtiraamo oo dhammaan dadka rayidka ah la ilaaliyo,” ayuu Eide raaciyay.
Waddamada Yurub ayaa uga digaya muwaadiniintooda inay ka fogaadaan inay u safraan Iran, Lubnaan, Israa’iil iyo dhulka la haysto ee falastiiniyiinta, iyadoo ay jiraan khataro ka iman kara xiisadda gobolka ee ka dhalatay dagaalka Israa’iil ee Gaza.
Faransiiska ayaa ku booriyay muwaadiniintiisa Jimcihii inay “gabi ahaanba ka fogaadaan” qaybo ka mid ah gobolka.
Hindiya, Jarmalka, Kanada iyo Mareykanka ayaa soo saaray ama dib u xoojiyay la-talinta safarka ee muwaadiniinta.
Diyaaradda Dutch KLM ayaa Sabtidii ku dhawaaqday inay joojinayso duullimaadyada Iran iyo Israel “taxaddar ahaan.”
Labada diyaaradood ee Austrian Airlines iyo Lufthansa ayaa ku dhawaaqay in la hakiyay duullimaadyadii ka iman jiray iyo kuwii ka iman jiray caasimadda Iran ee Tehraan illaa iyo 18-ka Abriil.