Diblomaasi sare oo ka tirsan Qaramada Midoobay, Maxamed Safa ayaa maanta ku dhawaaqay inuu iska casilay jagada uu muddo 12 sanno ah ka hayay Qaramada Midoobay, isagoo sabab uga dhigay inay saraakiisha sare ee Qaramada Midoobay u shaqeynayaan koox awood leh oo dano gaar ah leh, isla markaana ay hadda Qaramada Midoobay isku diyaarinayso weerar nukliyeer oo lagu qaadi karo Iiraan.

Wuxuu yiri;-“Dadku ma fahmayaan sida ay arrintani u halis u tahay.Waxaa laga hadlayaa dhimashada 10 milyan oo qof, dad caadi ah oo leh nolol iyo riyooyin! Kaliya shacabka ayaa joojin kara arrintan hadda dhaqaaq!

Taariikhda ayaa ina xusi doonta.”

Screenshot

Wasiirka Gaashaandhigga Talyaaniga, Guido Crosetto, ayaa si adag uga hadlay dagaalka Iran.

“Annagu ma taageerin dagaalkan, mana jirin cid na waydiisay aragtideena,” ayuu yiri.

Wuxuu intaas ku daray: “Dhererka dagaalladu kuma xirna awoodda kan ugu xoogga badan, balse waxay ku xiran tahay adkeysiga kan ugu daciifsan.”

Crosetto ayaa sidoo kale xusay in Iiraan ay ka weyn tahay Ukraine, leedahay dad badan iyo taariikh dheer oo kumannaan sano ah.

Joe Kentso Oo ka Digay In Maraykanka Ciidamo u Diro Gudaha Iran.

Joe Kent, mas’uul hore oo madax ka ahaa hay’ada la-dagaallanka argagixisada Mareykanka, ayaa si xooggan ugu baaqay shacabka Mareykanka inay cadaadis saaraan maamulka Donald Trump si looga hortago in ciidamo dhulka ah loo diro gudaha Iran.

Kent ayaa sheegay in madaxweyne Trump uu wajahayo cadaadis aad u weyn, isagoo shacabka ugu baaqay inay la xiriiraan Aqalka Cad iyo mas’uuliyiinta dowladda, si ay u muujiyaan mowqifkooda ka dhanka ah in ciidamo Mareykan ah la geeyo dhulka Iran.

“Trump wuxuu wajahaa cadaadis aad u weyn. Fadlan la xiriira Aqalka Cad iyo mas’uuliyiinta dowladda, una sheeg ma taageersanin in ciidamo Mareykan ah la geeyo dhulka Iran.”

Bayaankan ayaa imanaya xilli khilaaf siyaasadeed uu ka dhex jiro Washington, iyadoo qaar ka mid ah siyaasiyiinta iyo saraakiisha hore ay ka digayaan halista dagaal dhulka ah oo Iran ka dhan ah, kaas oo keeni kara khasaaro naf iyo dhaqaale oo ballaaran. Joe Kent, oo dhawaan iska casilay xil sare oo amni, ayaa hore u sheegay inuusan taageeri karin dagaal uu ku tilmaamay mid aan dan u ahayn shacabka Mareykanka, isla markaana khatar gelin kara nolosha askarta.

Lubnaan Oo Sheegtay in Weerar ay Israa’iil Geysatay Looga Dilay Askar.

Ciidanka Lubnaan ayaa sheegay in weerar ay Israa’iil geysatay uu ku dhintay mid ka mid ah askartooda, taas oo ah markii ugu horreysay ee si toos ah loo bartilmaameedsado goob ay ciidanka Lubnaan ku sugan yihiin tan iyo bilowgii dagaalka.

Dhowr askari oo kale ayaa ku dhaawacmay weerarkaas oo ka dhacay bar kontorool oo ku taal gobolka koonfureed ee Tyre.

Dhanka kale, ciidanka nabad ilaalinta ee Qaramada Midoobay ee koonfurta Lubnaan ayaa sheegay in dhowr xubnood oo ka tirsan ay ku dhaawacmeen wax ay ku tilmaameen shil ka dhacay meel u dhow xadka Israa’iil, mana cadda cidda geysatay.

Ciidanka Israa’iil ayaa sheegay in mid ka mid ah askartooda lagu dilay Axaddii weerar gantaal oo ay geysatay Xisbullah, (taas oo tirada askarta Israa’iil ee la dilay ka dhigaysa lix).

Dowlada Spain ayaa hawadeeda ka xidhatay diyaaradaha Maraykanka ee qaybta ka ah dagaalka Iiraan, sida ay xaqiijisay Wasiirka Gaashaandhigga ee dalkaasi Margarita Robles.

Talaabadani ayaa imanaysa iyadoo hore Spain uga mamnuucday Ciidamada Maraykanka iney adeegsadaan saldhigyadeeda Ciidan ee Maron iyo Rota oo ku yaalla koonfurta dalkaasi, taasi oo sababtay inuu Madaxweyne Trump ugu hanjabo Spain inuu jari doonno ganacsiga uu la leeyahay.

Spain ayaa ah dalka keliya ee sida weyn ganafka ugu dhuftay dagaalka ay Maraykanka iyo Israa’iil ku qaadeen Iiraan, iyadoo bishii October ay baarlamaanka dalkaasi ansixiyeen inaan wax hub ah laga iibin karin Dalka Israa’iil.

Dhinaca kale Koox internet-ka wax ku jabsata oo xiriir la leh Iiraan ayaa jabsaday kaamirooyinka amniga ee magaalooyinka Israa’iil, halkaa oo la sheegay inay kala socotay Iiraan , khasaaraha ka dhalanaya weerarrada ay ka fulisay gudaha Israa’iil iyo dhaqdhaqaaqyada ciidanka Israa’iil, sida uu baahiyay wargeyska ka soo baxa Mareykanka ee Wall Street Journal.

dawlada Russia ayaa sheegtay inay shidaal u dirtay Cuba si loo taageero adeegyada muhiimka ah, iyadoo dalkaasi wajahayo yaraanta sahayda.

Afhayeenka Kremlin, Dmitry Peskov, ayaa sheegay in arrinta sahayda loo diro jasiiradda Caribbean-ka laga hadlay intii lagu guda jiray wada-hadallo lala yeeshay mareykanka.

Madaxweynaha Koonfurgalbeed, Cabdicasiis Laftagareen ayaa dalbaday in uu dalka isaga baxo, isaga oo talada & maamulka ku wareejinaya DFS, Madaxda Federaalka ayaa se weli ku adkaysanaya in la geeyo Muqdisho, iyada oo mas’uuliyiinta sarsare ee DFS qaar ay ku soo wajahan yihiin Baydhabo.

Magaalada xalaadeeda ayaa degen, ciidamada & mas’uuliyiinta KGS qaar ayaa isu dhiibey Dowladda Federaalka oo mas’uuliyiinteedu sheegeen; in aan aargoosi jirin oo waxba laysu haysan — waxa la sugayaa waa DFS oo mas’uuliyadda Baydhaba cid u magacowda isla markaasna gudagashada hoggaamin u sameynta KGS.