Ciidamada Cirka ee Ukraine ayaa soo sheegay inay ku soo rideen labba diyaaradoodaha dagaalka oo uu Ruushku leeyahay badda Azov, dayaaradahan oo uu noocoogu kala yahay, SU-35s iyo hal SU-34, taas oo calaamad xun u ah dagaalka hawada ee Ruushku kula jiro dalka Ukrain.
Haddii la xaqiijiyo, duqeymahan ayaa ka dhigaya tirada guud ee khasaaraha Ruushka ka soo gaadhay saddexdii maalmood ee la soo dhaafay lix ka mid ah diyaaradaha dagaalka ee Su-34, oo lagu qiimeeyay $ 50 milyan midkiiba, iyo saddex dagaalyahan oo Su-35 ah, oo midkiiba qiimihiisu yahay $70 milyan. Tanina waxaa loo diiwaan galinayaa khasaarihii ugu xumaa ee Ruushka ka soo gaadha dagaalka hawada.
Sababaha keenay kororkaan diyaarada Ruushka ee la soo riday ayaan weli cadeyn, balse waxaa jira mala awaal badan. Mid ka mid ahina waa kororka ay ciidamada cirku ka sameeyeen weerarada hawada, si ay u taageeraan weerarrada dhulka, sida duulaankii ugu dambeeyay ee Avdiivka.
Suurtagalnimada kale waa natiijada xoojinta difaaca hawada Ukraine, gaar ahaan meelaha ku dhow jiidda hore. iyo ka qayb qaadashada nidaamka difaaca hawada ee Patriot-ka, taas oo laga yaabo inay door muhiim ah ka ciyaartay toogashadan.
Khasaarahaasi wuxuu u taagan yahay dib u dhac weyn oo ku yimid ciidamada cirka ee Ruushka waxaana laga yaabaa inay saameyn istaraatiiji ah ku yeelato habka dagaalka. Maaddaama Ukraine ay muujinayso awooddeeda difaaca hawada, Ruushku waxa uu wajahayaa caqabada ah in uu dib uga fikiro istiraatijiyaddiisa hawadeeda, iyada oo colaaduna aad u sii kordhayso.