Iiraan ayaa hadda xirtay oo hakisay maraakiibta iyo gaadiidka badda ee marinka Strait of Hormuz, kadib weerarkii Israa’iil ku qaaday Lubnaan.

Tallaabadan ayaa muujinaysa xiisad sii kordheysa oo ka aloosan gobolka, iyadoo laga cabsi qabo inay saameyn weyn ku yeelato isu socodka ganacsiga iyo amniga badda.

Jahwareer ayaa ka jira nooca heshiis ay wadaageen Iiraan iyo Mareykanka ee xabbad-joojinta lugu gaaray, iyadoo hadda laga maqlayo saraakiisha Aqalka Cad heshiiska 10 qodob ee Iiraan ay soo bandhigtay iyo midka ay la wadaagtay Mareykanka inuu kala duwanyahay, xilli dib loo arkayo sare u kaca xiisadda oo ay Iiraan xirtay marin-biyoodka Hormuz , halka ay sheegtay inay isaga baxayso heshiiska haddii aysan Israa’iil joojin weerarrada Lubnaan, sida ay werisey Al Jazeera.

Dawlada Iiraan ayaa ku Hanjabtay inay ka bixi doonto heshiiska xabbad-joojinta ee ay la gashay Mareykanka haddii Israa’iil ay sii waddo weerarrada ay ka geysaneyso Lubnaan, ka dib duqeymo culus oo maanta Israa’iil ka fulisay Beirut.

Sidoo kale Iiraan ayaa sheegtey in ay xidhay marin-biyoodka Hormuz, aysanna furi doonin ilaa dagaalka laga joojiyo Lubnaan, sida ay werisey ArabNews oo intaasi ku dartay in Aqalka-cad sheegey in heshiiska xabbad-joojin aysan qayb ka ahayn Lubnaan, balse Tahraan waxay sheegeysaa in xataa aysan aadi doonin wada-hadallada Pakistaan, haddii ay sii socdaan duqaymaha Lubnaan.

Iran ayaa ku adkaysatay in xabbad-joojinta kasta ee laga gaaray dagaalka ay qayb ka tahay Lubnaan iyo guud ahaan gobolka, taasoo ay Israel diiday.

Madaxweynaha Mareykanka ayaa ku dhawaaqay in heshiiska xabad joojinta aysan qayb ka ahayn Lubnaan sabab la xidhiidha Xsbulaaah. isagoo arintaasi ka hadlaya Trump wuxuu yidhi “Iiraan way ogtahay in Lubnaan laga saaray heshiiska xabad joojinta.”

Iran ayaa ku adkaysatay in xabbad-joojinta kasta ee laga gaaray dagaalka ay qayb ka tahay Lubnaan iyo guud ahaan gobolka, taasoo ay Israel diiday.

Ururka Hezbollah ayaa aqbalay xabbad-joojin laba toddobaad ah, inkastoo Israel ay sii waddo weerarrada ay ka wado Lebanon.

Sikastaba ha ahaatee xiisadda Bariga Dhexe ayaa mar kale cirka isku shareertay kadib markii Iran ay si kulul uga hadashay duqeymo culus oo Israel ka fulisay caasimadda Beirut, taasoo keeni karta in Tahran ay qaado talaabo milatari.sida uu sheegay sargaal ka tirsan Iran.

Raysal wasaaraha Lubnaan ayaa hadda hadlay weerarrada aan loo meel dayin ee ay Israa|l ka wadda caasimada Bayruud ee dalka Lubnaan, wuxuu yidhi: “Waxaan codsanaynaa in si kasta oo lagu joojin karo lagu joojiyo weerrarada Israa|l ee dalkeena.”

Xiisadda Bariga Dhexe ayaa mar kale cirka isku shareertay kadib markii Iran ay si kulul uga hadashay duqeymo culus oo Israel ka fulisay Lubnaan, gaar ahaan caasimadda Beirut.

Saraakiil sare oo ka tirsan Tehran ayaa sheegay in Iran ay ciqaabi doonto Israel, iyadoo la qaadayo tallaabooyin militari oo ka dhan ah saldhigyada ciidamada Israel, sida ay warisay wakaaladda Fars.

Dhanka kale, Iran waxay ku adkaysatay in xabbad-joojinta kasta ee laga gaaro colaadda ay tahay inay si cad ugu jirto Lubnaan iyo guud ahaan gobolka, taasoo ay Israel diiday.

Ururka Hezbollah ayaa aqbalay xabbad-joojin laba toddobaad ah, inkastoo Israel ay sii waddo weerarrada ay ka wado Lebanon.

Hezbollah waxay joojisay weerarradii ay ku hayn jirtay Israa’iil, balse Israa’iil ayaa weli duqeymo wada, iyadoo Ra’iisul Wasaare Benjamin Netanyahu uu sheegay in xabbad-joojintu aysan khusayn Lubnaan.

Wasiirka Arrimaha Dibadda ee Iran Abbas Araghchi ayaa sheegay inuu wadahadal telefoon kula yeeshay taliyaha ciidamada Pakistan, Asim Munir, ku war-galiyay xadgudubyada xabbad-joojinta ee Israa’iil ka waddo Iran iyo Lubnaan.

Sida lagu sheegay qoraal kooban oo Araghchi ku daabacay Telegram, wuxuu sidoo kale uga mahadceliyay Pakistan dadaalladeeda wax ku oolka ah ee lagu joojinayo dagaalka laguna xoojinayo nabadda iyo amniga gobolka.

Warkan ayaa imaanaya xilli xiisadaha Bariga Dhexe ay weli kacsan yihiin, iyadoo Israaiil weli wado duqeymaha iyo jebinta xabbad-joojinta.

Iiraan ayaa ka dalbanaysa 1 dollar fuusto kasta oo shidaal ah oo ka gudbaysa marin-biyoodka Hormuz, waxayna rabtaa in lacagtaas lagu bixiyo lacagaha dhijitaalka ah ee crypto, iyadoo maalin kasta marinkan ay ka gudbaan 20 milyan oo fuusto, taa oo ka dhigan maalintii 20 milyan oo dollar inay ka helayso shidaalka ka gudbaya Hormuz, sida uu sheegay wargeyska Financial Times.

Iiraan ayaa qorsheyneysa inay si xaddidan oo ay iyadu maamusho u furto marinka Hormuz, ka hor wada-hadallo ay la yeelaneyso Maraykanka oo ka dhici doona Pakistan jimcaha todobaadkan.

Iiraan waxay sheegtay in maraakiibta ay khasab ku tahay inay u hoggaansamaan amarka Ilaalada kacaanka, iyadoo xabbad-joojintu weli tahay mid jilicsan, balse ay diyaar u tahay inay dagaal ku laabato haddii loo baahdo.

Iiraan waxay isku dayeysaa inay xakameyso marin-biyoodka ugu muhiimsan dunida, iyadoo weli albaabka u furan wada-hadal iyo suurtagal dagaal cusub.