7
Xoogagga mucaaradka ee AFNM (Amhara Fano) ayaa la sheegay inay la wareegeen gacan ku haynta magaalooyinka Mehal Neda iyo Zemeno oo ku yaalla gobolka Amharada ee dalka Itoobiya.
Qabsashada magaalooyinkan ayaa qayb ka ah hawlgallada ay kooxda Fano ka waddo gobolka Amhara, iyadoo kooxda ay sheegtay inay sii wadi doonto howlgallada ka dhanka ah ciidamada federaalka Itoobiya.
Wararka ayaa sheegaya in magaalooyinka Mehal Neda iyo Zemeno ay hadda gacanta ku hayaan xoogagga Fano, halka ciidamadii dowladda Itoobiya ay dib uga gurteen aagga kaddib iska horimaadyo kooban.
Hawlgalkan ayaa muujinaya sii socoshada xiisadda amni ee gobolka Amhara, iyadoo ay weli jiraan iska horimaadyo u dhexeeya ciidamada dowladda Itoobiya iyo xoogagga hubaysan ee Fano
