6
Taliyaha ciidamada Pakistan, Field Marshal Asim Munir, ayaa gaadhay magaalada Tehraan ee dalka Iiraan, isaga oo la kulmaya masuuliyiin Iiraaniyiin ah si loo xoojiyo dadaallada diblomaasiyadeed ee lagaga hortagayo in dagaal cusub dhex maro Maraykanka iyo Iiraan.
Pakistan ayaa dhex-dhexaadinaysay labada dhinac, waxaana booqashadan la filayaa in diiradda lagu saaro dib u bilaabista wada-hadallada, xallinta khilaafaadka iyo furitaanka marin-biyoodka istaraatiijiga ah ee Hormuz.
Si kastaba ha ahaatee, xiisadda ayaa weli taagan, iyadoo labada dhinac ay isku khilaafsan yihiin cunaqabataynta, barnaamijka nukliyeerka Iiraan iyo shuruudaha heshiis cusub. 
