Warbaahinta ku dhow maamulka Trump ee Fox news ayaa waxyar ka hor shaaca ka qaaday in la jabsaday Xarunta Macluumaadka Dambiyada Qaranka ee Maraykanka, oo hoos tagta Hay’adda Baarista Federaalka Maraykanka (FBI).
Xaruntan ayaa loo adeegsadaa kaydinta iyo hubinta xogta dadka, baaritaanka taariikhdooda iyo xaqiijinta aqoonsiga dadka dembiyada lagu raadinayo.
Inkasta oo aan weli si rasmi ah loo ogeyn xogta la jabsaday, haddana waxaa suuragal ah in jabsadayaashu helaan:
1-Aqoonsiga dadka ay hay’adaha ammaanku raadinayaan.
2-Goobaha ay joogaan ama xogaha kale ee la xiriira.
3-Diiwaannada waarannada qabashada iyo baaritaannada dambiyada.
4-Xogta dadka maqan iyo dhibbanayaasha dambiyada.
5-Macluumaad xasaasi ah oo la xiriira dadka ku jira kormeerka hay’adaha ammaanka.
