Wasaaradda Tamarta Iyo Macdanta Somaliland ayaa si rasmi ah loogu saxeexay qandaraaska koronto-ballaadhinta magaalada Borama oo ay ku gulaysatay Shirkada PURE.
Mashruucan koronto-ballaadhinta magaalada Borama waxa uu leeyahay awood dhan 8 MW DC / 6.8 MW AC Solar PV Power Plant, 20 MWh Battery Energy Storage System (BESS) oo ah baytariyada kaydinta korontadda, iyo xadhiga korontadda qaada oo dhererkiisu dhan yahay 5 km noociisuna yahay (33 kV Evacuation line).
Mashruucan, oo uu maalgelinaayo Bangiga Adduunku, isla markaana ay fulinayso Wasaaradda Tamarta iyo Macdanta JSL, waxa uu ujeeddkiisu yahay in bulshada Borama ay hesho koronto la awoodayo, bedqabta, la isku halayn karo, isla markaana ka timaadda illo nadiifa oo aan deegaanka dhibaato u gaysan.
