Abiy Axmed Oo ka Dhawaaqay in aan Geeska Afrika Nabad Lagu Wada joogi doonin ilaa Bad Aanu Helno.

Raysal wasaaraha Itoobiya ayaa shaaca ka qaaday in Gobolka Geeska Afrika aanu heleyn nabad ilaa Itoobiya ay hesho marin-badeed, isaga oo waraysi siinaya Telefishinka dowladda ee EBC:

“Deriskeenna waa inay fikiraan…5000km laga bilaabo cirifka Mesawa ilaa cirifka Muqdisho, ayaa ah halka uu ka jiro khayraad aad u badan, laakin arxan darro & in aysan marin-badeed na siin ma caawin doonto.”

Wuxuu intaas ku daray: “Haddii ay Itoobiya heli waydo badda, kaliya koriimo la’aan kuma dhacayso Itoobiya, laakiin gobolku horumar ma samaynayo, Kaymaha duurjoogto nabad ma ahaan doonaan, ganacsiga adduunkuna khalkhal ayuu geli doonaa.”