14
In ka badan 20 xildhibaan oo ka tirsan xisbiga Dimuqraadiga ee Aqalka Wakiillada Mareykanka ayaa ugu baaqay Wasaaradda Arrimaha Dibadda ee Mareykanka inay joojiso aamusnaanta rasmiga ah ee ku saabsan barnaamijka hubka nukliyeerka ee Israa’iil, xilli ay sii kordhayaan halista isku dhacyo militari oo la xiriira dagaalka Iran.
Xildhibaanadan oo uu hoggaaminayo Joaquin Castro ayaa warqad u diray Marco Rubio, iyagoo sheegay in Kongareesku leeyahay waajibaad dastuuriyan ah oo ah in si buuxda loogu wargeliyo dheelitirka awoodda nukliyeerka ee Bariga Dhexe, khataraha ka iman kara sii xumaanshaha colaadda, iyo qorshaha dowladda Mareykanka ee la tacaalidda xaaladahaas gaar ahaan inta uu socdo dagaalka lala kaashanayo dowladda Israa’iil.
