Dowladda Federaalka ah ee Soomaaliya ayaa markii ugu horaysay Danjire u dirtay dalka Singapore, Faysal Axmed Salaad ayaana loo magaacabay xilka Safiirka JFS u fadhiyi doona Singapore.
Munaasabad soo dhawayn ah oo aqalka Madaxtooyada dalkaas maanta ka dhacday ayaa danjiraha cusub ee Soomaaliya u fadhiya Singapore, Dr. Faysal Axmed Salaad, waraaqihiisa aqoonsiga ugu gudbiyay Madaxweynaha dalkaas.
Kulan kooban oo uu la qaatay Madaxweynaha dalka Singapore waxaa diiradda lagu saaray xoojinta iskaashiga dhaqaale, gaar ahaan casriyeynta dekedaha, horumarinta dhaqaalaha buluugga ah, iyo adeegsiga khibradda Singapore ee dhanka agabka dhijitaalka ah iyo maamul-wanaagga si loo kobciyo ganacsiga iyo hufnaanta adeeg ee Soomaaliya.
Dhinaca kale Dowladda Soomaaliya ayaa safiir cusub u magacowday dalka Azerbaijan. Xilkan danjirenimo ayaa loo igmaday Cabdirnuur Daahir Fidow, oo ah khabiir muddo dheer kusoo dhex jiray dublumaasiyadda qaranka Soomaaliya
Dalka Azerbaijan, oo ah halka loo magacaabay Cabdirnuur, ayaa dhawaan dowladda Soomaaliya la saxiixday heshiisyo kala duwan oo khuseeya iskaashiga ciidanka iyo horumarinta dhaqaalaha.
Azerbaijan waxay ka mid tahay dalalka xiriirka dhow la leh Isra11l, sidoo kale waa dal aad ugu dhow dalka Turkiga dhanka dhaqanka iyo siyaasaddaba. Magacaabista danjirahan cusub ee loo diray Azerbaijan ayaa loo arkaa tallaabo ay keeneen xaaladaha juquraafi-siyaasadeed (Geopolitics) ee caalamka, kuwaas oo si weyn isu beddelayay muddooyinkii u dambeeyay.
Singapore waa oo ah dalka hoggaamiya dekadaha iyo kala wareejinta badeecadaha caalamka ayaa hore xiriir dublumaasiyadeed hore ula lahayn Soomaaliya.
