Putin, Trump iyo Netanyahu ayaa hal mar guul-darro kala kulmay Yurub, ka dib markii maanta xukunka laga tuuray hoggaamiyihii xiriirka ugu weyn ay la lahaayeen dalka Hungary ee Viktor Orbán oo guul-darro xanuun badan kala kulmay doorashadii ka dhacday Hungary.

Viktor Orbán, wuxuu xukunka hayay ku dhawaad 20 sanno, wuxuu ahaa mid dhuunta u galay Yurub oo si xadka ka baxsan u taageerrayay siyaasadda Puntin , Trump iyo Netanyahu, illaa Midowga Yurub uu gaaray heer ay yiraahdaan, meel uu ku suganyahay Viktor Orbán , yaan looga hadlin wax sir ah, sababtoo ah waxay ku eedeeyeen isla markiiba xogtaa inuu u gudbinayo Putin.

Wuxuu ahaa mid aan waligii dhaleeceyn duullaanka Ruushka ee Ukraine, wuxuu sidoo kale codka qayaxan u adeegsaday marar kale duwan go’aamo ay Midowga Yurub doonayeen inay ku cunaqabateeyaan Israa’iil, wuuxuna marar kale duwan booqday Ruushka, halka uu ahaa qofka xiriirka ugu dhow ee Yurubiyaanka ah la leh Trump.

Toddobaadkan, Trump ayaa ku-xigeenkiisa JD Vance u diray Hungary, si uu u taageerro oo garab istaag ugu muujinayo Viktor Orbán, oo ku jiray ololaha doorashada, balse taageerradaa waxba ma soo kordhin ee waxay xoojisay guul darrada Orban.

20 sanno ka dib, hadda xilka ra’iisul wasaaraha Hungary, waxaa loo doortay Péter Magyar, oo ah hoggaamiye dhex dhexaad u janjeera Yurub ah oo ka soo horjeeda siyaasadda dhinacyada uu Orban taageersanaa, waa keliya 45 jir hoggaamiya xisbiga Tisza, oo hadda doorashada ka helay 135 kursi, halka Orban oo laga guuleystay iyo xisbigiisa Fidesz ay heleen keliya 57 kursi , taasoo ka dhigan inay lumiyeen aqlabiyada.

Doorashadan markiiba loo arkay isbeddel weyn oo ka dhacay Yurub, waxaa soo dhaweeyay oo qodox ka baxday wadnaha Yurub ku sheegay hoggaanka Midowga Yurub, halka Viktor Orbán uu aqbalay natiijada doorashada isagoo la xiriiray una hambalyeeyay hoggaamiyaha cusub Péter Magyar.

Ugu yaraan 100 Qof, ayaa la r7maydan yahay Inay ku dhinteeen, Halka 35 kalena ay ku dhaawacmeen weerar la sheegay inay diyaaradaha milatariga Nigeria ay ku duqeeyeen suuq ku yaalla tuulo,l ku Taalla dalkaasi, iyaga oo sheegay inay daba joogeen ama baacsanayeen, xubno ka tirsan kooxda fallaagada ah ee Boko Xaram ee waqooyi-bari dalka, sida uu sheegay masuul maxalli ah iyo urur caalami ah oo u dooda xuquuqda aadanaha.

Amnesty International ayaa ku sheegtay qoraal ay baraha bulshada ku daabacday in maanta in ka badan 100 qof ay ku dhinteen halka 35 kalena ay ku dhaawacmeen weerarkaasi dhacay.

Source Al-jazeera

Wasiirka arrimaha dibadda Cumaan Badr Albusaidi, ayaa ku baaqay in la koridho xabbad-joojinta si ogolaado inay sii socdaan wadahadallada Maraykanka iyo Iiraan.

Madaxweyne Donald Trump ayaa ku dhawaaqay habeenimadii tallaadada xabbad-joojin laba toddobaad ah. sharuuradaha waxaa ka mid aha ain Marinka Hormuz loo furo si deg deg ah.

Cumaan, ayaa ahayd dhexdhexaadiye wadahadalladii Nukliyeerka ee u dhaxeeyey labada dhinac ka hor inta uusan qarxin dagalka 28-dii Febraayo.

Albusaidi ayaa xilli hore oo galabnimadii ahayd soo dhigay qoraal bartiisa X, markaas

Albusaidi ayaa galabnimadii hore ee maanta qoraal uu soo dhigay barta X ku sheegay in markii uu la kulmay Madaxweyne ku-xigeenka Mareykanka JD Vance “saacado uun ka hor int aanu dagaalku bilaaban, aan ka qaatay aragti ah in isaga iyo Madaxweynuhub ay si dhab ah oo xooggan u doorbidayaan inay ka fogaadaan lug ku yeelashada dagaalka.”

“Sidaas darteed, waxaan ku baaqayaa in xabbad-joojinta la kordhiyo, wadahadalladuna ay sii socdaan. Guushu waxay u baahan kartaa in qof kastaa sameeyo tanaasul xanuun badan, laakiin taasi waxba ma aha marka la barbardhigo xanuunka guul-darrada iyo dagaalka,” ayuu yiri.

Donald Trump ayaa sheegay in Iran ay ku soo laaban doonto miiska wada xaajoodka islamarkaana ay na siin doonto wax walba oo aan rabno”.

Trump oo waraysi siiyay Fox News Sunday Morning Futures, ayaa waxa uu sheegay in gorgortanka Mareykanka ay heleen “wax walba oo aan u baahannahay, marka laga reebo xaqiiqda ah inay diideen inay ka tanaasulaan hammigooda nukliyeerka”.

Waxa uu sheegay in Iran aysan “ka bixin miiska gorgortanka”.

“Waxaan saadaaliyay inay soo laaban doonaan, waxayna na siinayaan wax walba oo aan rabno,” ayuu yiri.

Inta lagu jiro daqiiqad kale oo wareysiga, Trump wuxuu ugu hanjabay Shiinaha 50% canshuur haddii uu caawiyo militariga Iran. Waxa uu sidoo kale sheegay in qiimaha saliidda iyo gaaska uu ugu dambeyntii hoos u dhici doono colaadda ka dib.

Afayeenka Baarlamanka Iiraan Mohammad Bagher Ghalibaf ayaa jawaab adag ka bixiyay hadal hanjabaad ah oo kasoo yeeray madaxwayne Trump waxuuna yiri. “Hadii Mareykanku markale isku dayo inuu na tijaabiyo, waxaan siin doonaa duruus ka wayn kii hore.”

Trump ayaa caawa ku hanjabay inuu hal maalin ku bur-buri karo taliska islaamiyiinta Irana wuxuu yidhi Iiraan waxaan ku baabi’in karnaa hal maalin oo kaliya.

Dhinaca kale Ciidanka Iiraan ayaa ku hanjabay iney bixin doonaan jawaab daran hadii Markab dagaal uu kusoo dhawaado gacanka Hormus, sida ay ku warantay Warbaahinta Tasnim.

Ciidanka Iiraan ayaa yidhi “Sabab kasta ha noqoto, hadii Markab dagaal uu usoo dhawaado gacanka Hormus, waxaan u arki doonaan inuu jabinayo xabad joojinta waxaana u jawaabi doonaa si adag.”

Wararka ka imanaya Shannon Airport ee Ireland ayaa dhacdo lama filaan ah oo si weyn u kicisay xaalka ammaanka ee garoonka, kadib markii nin si qarsoodi ah uga gudbay xayndaabka garoonka, una dhaqaaqay meel ay yaalleen diyaaradaha militari.

Ninkan, oo la sheegay inuu ku jiray da’ dhexe, ayaa fuulay baalka diyaarad militari oo Mareykan ah oo halkaas taallay, ka hor inta uusan ku bilaabin weerar uu faas u adeegsaday wuxuuna si toos ah u beegsaday jirka iyo baalka diyaaradda, isagoo sababay burbur muuqda.

Muddo kooban, garoonka diyaaradaha ayaa la hakiyay, iyadoo ciidamada ammaanka oo ay ku jiraan booliska Ireland ay si degdeg ah u soo farageliyeen, ugu dambeyntiina gacanta ku dhigeen eedeysanaha.

Dhacdadan ayaa dhalisay su’aalo ku saabsan sida ay u fududaatay in hal qof uu jebiyo nidaamka ilaalinta ee garoon caalami ah.

Ciidamada Ilaaladda Kacaanka Iran ayaa ku dhawaaqay in Marinka Hormuz wixii hadda ka dambeeya uu furan yahay, isla markaana Maraakiibta xamuulka sida ay mari karaan haddii ay buuxiyaan shuruudo gaar ah oo ay dajiyeen.

Shuruudaha ay Ilaaladda Kacaanku ku xireen maraakiibta maraysa Hormuz waxaa ka mid ah; in maraakiibtu aysan ahayn kuwo ciidan, sidoo kalena aysan u rarnayn dalal ay Iran colaad kala dhexayso.

Dhanka kale, Iran waxay maraakiibta ka qaadaysaa khidmad, taasoo warbaahintu sheegtay in lagu qiyaasay $1 foostadii shidaal ahba. Taasoo ka dhigan in markabka sida 2 milyan oo foosto oo shidaal ah uu bixinayo lacag dhan $2 milyan oo doollar.

Dhinaciisa, Donald Trump oo ka gadoodsan in Iran ay diiday inay lacagtan wada qaybsadaan, ayaa saacad ka hor sheegay inuu isaguna isbaaro dhigan doono afaafka hore ee Hormuz!