In ka badan 1,700 arday iyo macallimiin ah ayaa saddex maalmood oo keliya gudahood ugu xanuunsaday cuntooyinka bilaashka ah ee dowladda Indonesia ka bixiso dugsiyada dalkaasi.
Reuters ayaa maanta sheegtay in afar dhacdo oo waaweyn laga diiwaangeliyey gobollada Central Java, East Java iyo West Sumatra. Mid ka mid ah dhacdooyinka ugu culus, 777 qof oo ku sugnaa dugsi sare oo Central Java ah ayaa yeeshay matag iyo shuban kaddib markii ay cuneen digaag la dubay oo la sheegay in si aan habboonayn loo kaydiyey, saacado badan kaddibna la cuney.
The Guardian ayaa sidoo kale maanta sheegtay in boqolaal arday iyo macallimiin ah ay toddobaadkan ku xanuunsadeen barnaamijka, iyadoo qaar isbitaal la dhigay. Wargeysku wuxuu xusay in dhibaatooyinka cuntada sumowday ay muddo dheer daba socdeen mashruucan.
Al Jazeera ayaa bishii Luulyo sheegtay in barnaamijku ku shaqaynayay kumannaan xarumood oo cunto lagu diyaariyo, iyadoo isla markaana uu wajahayo eedaymo la xiriira musuqmaasuq, maarayn-xumo iyo badqabka cuntada
Screenshot
Screenshot
