5
Kumannaan qof oo Israa’iiliyiin ah ayaa Sabtidii mudaharaad ka dhigay magaalada Tel Aviv, iyagoo dalbanaya in xilka laga qaado Ra’iisul Wasaare Benjamin Netanyahu, isla markaana lala xisaabtamo dowladda, saddex maalmood ka hor doorashada baarlamaanka Israa’||l.
Dibadbaxa oo ka dhacay fagaaraha la yiraahdo Hostages Square waxaa ka qaybgalay qoysaska dadkii lagu afduubtay Gaza, dadkii hore loo haystay iyo hoggaamiyeyaal mucaarad ah.
Dibadbaxayaashu waxay dalbadeen in la baaro fashilaadihii la xiriiray weerarkii Xamaas ee 7-dii Oktoobar 2023. Hoggaamiyaha mucaaradka Yair Golan ayaa sheegay in la dhisi doono guddi baaritaan oo madax-bannaan si uu xaqiiqda u ogaado, caddaaladna loogu helo qoysaska dhibaatadu gaartay.
