Marlabkaaasi oo haatan ku xayiran Jesiiradda Syros ee dalka Giriiga ayaa Cabsi-gelinta la kulmay, kadib, markii qof aan la aqoonin uu sheegay in Bam la dhigay Godka qeybta Hoose ee Markabka.
Shirkad Israeli oo lagu magacaabo Mano Martime, ayaa maamusha Markabkaasi oo lagu magacaabo Crown Iris.
Markabkaasi oo uu ka dul babanayo Calanka Panama, waxa la sheegay inuu u shiraacan lahaa magaalladda Xayfa ee Israel.
Markabka waxaa la socotay 940 Rakaab iyo 597 Shaqaale, markii ay heleen Fariinta Cabsi-gelinta in Bamka lagu rakibay Markabkaasi.
Dhanka kale, Ilaaladda Xeebaha dalka Giriiga oo kaashanayo Eeyaha u tababaran Qaraxyada iyo Dareewal Khaas ah ayaa baaray Markabka Dalxiiska,, iyada oo Unug ka tirsan Ilaaladda Xeebaha loo daabulay halka Markabka laga shakiyey uu taagnaa.
Baaritaano Hordhac ah ayaa muujiyey inaan wax Bam ah kaga helin gudaha Markabka Dalxiiska.
Ilaalo takhasus u helay waxyaabaha qarxa ayaa iyagana la filayàa inay Baaritaano dheeraad ah ku sameeyaan Markabkaasi, kadibna Markabka loo fasixi doono inuu sii wato Safarkiisa.
Si kastaba, ugu yaraan 7 Duullimaad oo gudaha Europe ayaa waxay maanta heleen Digniino Bam, taaai oo Jahwareer ka abuurtay Hawlaha dhowr garoon oo ay Diyaaradahaasi ku degeen.
Baaritaano lagu sameeyey Diyaaradahaasi lagama helin wax Bam ah, waxayna horey u sii wateen Duullimaadyadii u qorsheysnaa
