Iiraan ayaa bilowday olole lagu qorayo dad mutadawiciin ah oo loogu magac daray “Janfada” (Macnaheedu: naf u hurid), si loogu diyaariyo qof kasta oo Iiraani ah inuu la dagaallami karo haddii weerar dhulka ah uu Mareykanka ku soo qaado gudaha Iiraan.
Farriin qoraal ah oo loo diray shacabka Iiraan oo dhan ayaa dadka ugu baaqday inay isu diyaariyaan difaaca dalka, iyagoo la sheegay inay wajahaan hanjabaado ka imaanaya Mareykanka iyo Israa’iil. Isla waqtigaas, dadka deggan magaalooyinka Iiraan ayaa sheegay in ammaanka si weyn loo adkeeyay, iyadoo ciidamo wajiyada qarsaday ay dhiseen baro koontarool magaalada Isfahan iyo meelaha ku dhow.
Kuwait Oo Jaamacadda Carabta ku Eedaysay inay ku Fashilantay Difaaca Dalalka Carabta
Dawladda Kuwait ayaa ururka Jaamacadda Carabta ku eedaysay in uu ku fashilmay sugidda amniga waddamada Carabta oo xilligan wajahaya duullaan aad u balaadhan oo kaga imanaya dalka Iran.
Kuwait oo ka mid ah waddamada xubnaha ka ah Jaamacadda Carabta ayaa la kulantay weeraro aad u balaadhan oo ay Iran dalkaas ku soo qaaday.
Ururka Jaamacadda Carabta ayaa lagu dhalleeceeyey in uu ka gaabiyey qabashada shirar lagaga arrinsanayo xaaladda soo korodhay in la difaaco dalalkan oo ku jira xaaladdii abid ugu xumayd.
Sarkaal hore oo ka tirsanaa sirdoonka ciidamada badda Mareykanka, Scott Ritter oo ka hadlay wararka la xiriira in Mareykanku isku dayayo howlgal dhulka ah inuu ku qabsado jasiiradda Iiraan ee Kharg ayaa yiri:
“Jasiiradda Kharg ee Iiraan, wax xiriir ah lama laha marin-biyoodka Hormuz, qabsashadeedaana ma keenayso in marinka la furo. Ma jiro xirfadle militari oo taageeraya fikradda lagu qabsanayo jasiiradda Kharg, gaar ahaan iyadoo la sheegayo inay taasi furi karto marin-biyoodka…Xitaa haddii aan ku guuleysanno inaan la wareegno jasiiradda, ciidamadeennu waxay la kulmi doonaan duqeyn joogto ah.”
Sawirro muujinaya burbur xooggan oo soo gaaray diyaarad milateri oo Maraykana oo ku sugan saldhigga Sacuudiga
Sawirro la xaqiijiyay ayaa muujinaya diyaarad laga hago taliska Mareykanka oo lagu burburiyay saldhig ciidamada cirka ee Sacuudiga.
Sawirada ayaa u muuqda in markii ugu horeysay lagu faafiyay bog Facebook ah oo xambaarsan wararka ciidamada Mareykanka. Waxay muujinayaan in diyaaradda E-3 Sentry ay u muuqato in laba loo kala jebiyay.
Waxaan xaqiijinay in sawirada laga qaaday saldhigga cirka ee Amiir Sultan oo qiyaastii 100km (62 mayl) koonfur-bari ka xiga caasimadda Sacuudiga ee Riyadh. Astaamaha lagu arkay sawirada, oo ay ku jiraan pylons, unug kaydinta iyo calaamadaynta meelaha laamiyada ah, oo ku habboon sawirka dayax-gacmeedka.
BBC Verify waxay sidoo kale ku aragtay E-3 goobtan sawirka dayax-gacmeedka ee la qaaday 11-kii Maarso. Ma sheegi karno inay isku diyaarad yihiin.
Jimcihii sarkaal Mareykan ah ayaa wakaaladda wararka ee Reuters u sheegay in 12 askari oo Mareykan ah lagu dhaawacay, oo labo ka mid ah ay dhaawacyadooda culus yihiin, weerar ay ciidamada Iiraan ku qaadeen saldhigga ciidamada cirka.
Somaliland oo la sheegay in ay Dalbatay in Xildhibaan Ilhan Cumar lagu soo celiyo Somaaliya,maadama madaxda Maraykanku ay sheegen in Sifo qaldan ay ku gashay dalkaasi.
Warbaahinta Caalamiga ah ee Foxnews oo xiganaysa Account X Twitter ah oo lala xidhiidhinayo Somaliland ayaa warkan qortay.