10
Dawladda Jabuuti ayaa beesha caalamka ugu baaqday inay si degdeg ah u bixiso taageero dhaqaale oo lagula tacaalayo kumanaan qaxooti ah oo dalkaas kaga soo qulqulaya Yemen.
Wasiirka Arrimaha Gudaha Jabuuti Cumar Cabdi Saciid, ayaa sheegay in 2,512 qof ay dalka soo gaadheen tan iyo 10-kii Sebtembar, tiradaasina ay gaadhi karto 10,000 qof toddobaadyada soo socda.
Jabuuti ayaa qaxootiga u samaysay xarumo ku-meel-gaadh ah oo amaan ah, hase ahaatee xawaaraha ay xaaladdu u sii xumaanayso iyo hoos u dhaca maalgelinta caalamiga ah ayaa culays weyn saaray awoodda Jabuuti.
Dawladdu waxay ka digtay in aanay keligeed dabooli karin baahiyaha sii kordhaya, sidaa awgeedna loo baahan yahay gurmad caalami ah oo degdeg ah.
