Madaxweynaha Shiinaha Xi Jinping ayaa maanta oo Sabti ah gaaray New Delhi, waana booqashadiisii ugu horreysay ee India muddo 7 sano ah, isaga oo halkaas kaga qaybgalaya shir-madaxeedka BRICS.
Reuters ayaa sheegtay in Xi loo sameeyey soo dhoweyn roog cas ah, booqashaduna timid xilli labada quwadood ee Aasiya ay isku dayayaan inay dib u hagaajiyaan xiriirkoodii sida weyn u dhaawacmay kadib dagaalkii xadka Himalayas ee 2020. Iska-horimaadkaas waxaa ku dhintay 20 askari oo Hindi ah iyo afar askari oo Shiine ah.
Xi iyo Ra’iisul Wasaare Narendra Modi ayaa New Delhi ku yeeshay kulan si weyn isha loogu hayey.
AP waxay sheegtay in Xi uu ku baaqay in labada dal ay xiriirkooda ka eegaan “aragti istaraatiiji ah oo fog”, isla markaana ay iska kaashadaan horumarka iyo xasilloonida caalamka.
Inkasta oo xiriirka siyaasadeed soo hagaagayo, Reuters waxay xustay in labada dal weli ciidamo tiro badan ku hayaan xadka lagu muransan yahay ee dhererkiisu yahay qiyaastii 3,800 km. Shiinaha ayaa sidoo kale noqday isha ugu weyn ee India wax kala soo degto sannad-maaliyadeedkii 2025/26, iyadoo badeecadaha laga soo dejiyey lagu qiimeeyey $132 bilyan.
Screenshot
