Jabuuti iyo Midowga Yurub Oo kala Saxeexday Heshiis Iskaashi Oo ku saabsan Amniga Badda Cas.

Dawladda Jabuuti iyo Midowga Yurub (EU) ayaa kala saxeexday Heshiiska Xaaladda Ciidamada (Status of Forces Agreement – SOFA), kaas oo nidaaminaya joogitaanka iyo hawlaha ciidamada badda ee Midowga Yurub ee EUNAVFOR ASPIDES gudaha Jabuuti.

Heshiiskan ayaa ujeeddadiisu tahay in la xoojiyo iskaashiga labada dhinac ee dhinaca ammaanka badda iyo ilaalinta xorriyadda maraakiibta ee marinnada Badda Cas, xilli ay sii kordhayaan walaacyada la xidhiidha amniga marin-biyoodka muhiimka ah ee gobolka.