Maraykanka iyo Iiraan weli heshiis kama gaarin wada-hadalladooda,sababta ugu weyn ayaa ah in labada dhinac ay rabaan waxyaabo kala duwan.
Trump wuxuu doonayaa heshiis degdeg ah oo weyn, oo labada dhinac si cad u shaaciyaan.
Iiraan waxay rabtaa in wada-hadalladu si tartiib ah u socdaan, iyadoo dalal kale ay fariimaha labada dhinac kala gudbinayaan. Waxayna doorbidaysaa in arrimaha heshiis looga gaaro qodob-qodob, halkii hal mar heshiis weyn laga wada gaari lahaa.
Labada dhinac isma aaminaan.
Maraykanka iyo Iiraan midba midka kale wuxuu ku eedeynayaa inuu jebiyay heshiisyo iyo ballamo hore.
Sidoo kale, cadaadis gudaha ah ayaa labada dhinac ku qasbaya inay hadalladooda iyo mowqifyadooda sii adkeeyaan.
Trump-na wuxuu shaki badan ka qabaa in Iiraan lala gaari karo heshiis muddo dheer sii shaqeeya.
Xaaladan waxay ku tuuraysa Bariga Dhexe, marxalad wax kasta la filan karo oo dagaalku yahay mid aan miisaska go’aamada ka maqnayn.
