Netanyahu Oo Golahiisa Wasiirada ku Amray inay Wadahadal toos ah la Furaan Lubnaan

Ra’iisul Wasaaraha Israel, Benjamin Netanyahu, ayaa sheegay inuu ku amray golihiisa wasiirrada inay bilaabaan wadahadallo toos ah oo lala yeesho Lubnaan “sida ugu dhaqsaha badan.”

Bayaan uu ku daabacay barta X oo ku qoran Luuqadda Cibriga, ayuu ku sheegay inuu arrintan u gudbiyay golihiisa wasiirrada shalay, iyadoo ay sabab u tahay “baaqyo soo noqnoqday” oo ka yimid Lubnaan oo ku saabsan furitaanka wadahadallo toos ah.

Wuxuu intaas ku daray in wadahadalladu diiradda saari doonaan “hub ka dhigista Hezbollah iyo dhisidda xiriir nabadeed oo u dhexeeya Israel iyo Lubnaan.”