Tony Blair oo ah ra’iisul wasaarihii hore ee Ingiriiska oo Mareykanka ku taageerray dagaalkii Ciraaq ayaa ku dhaleeceeyay dawladda hadda ee Ingiriiska inaysan taageerrin waqti hore duullaanka uu Mareykanka ka wado Iiraan.
Wuxuu yiri; “ Waxay ahayd duqeyntii koowaadba markii uu billaabay Mareykanka in la taageerro.” Wuxuu intaa ku daray : “Haddii ay yihiin xulafadaada, isla markaana ay yihiin tiir muhiim u ah ammaankaaga, waa inaad garab istaagtaa marka ay ku weydiistaan.”
Balse waxaa hadalkan si deg deg ah uga jawaabtay xoghayaha arrimaha dibadda Ingiriiska , Yvette Cooper oo sheegtay inay si adag u diidanyihiin hadalka ka soo baxday Blair, iyadoo tiri; “Waxaa jira siyaasiyiin aaminsan in mar walba ay tahay Ingiriiska inuu ku raaco Mareykanka wax kasta. Waxaa kaloo jira kuwo kale oo aaminsan in aan mar dambe lala shaqeyn Mareykanka xaalad kasta ha noqotee. Anigu ma aaminsani in midkoodna uu ku jiro danaha qaranka Ingiriiska. Mas’uuliyadda Keir Starmer waa inuu go’aan ka gaaro waxa u wanaagsan shacabka Ingiriiska.”
Markii la weydiiyay haddii ay Blair ku tilmaamayso dabadhilifka Mareykanka, waxay ku jawaabtay; “Ujeeddadu waa in aan hubino inaan wax ka baranay khaladaadkii ka dhacay Ciraaq, waxaana u maleynayaa in Keir Starmer uu sidaas sameeyay.
Screenshot