Pakistan Oo Sheegtay In Dadaallo Socdaan Lagu Xallinayo Khilaafka Maraykanka iyo Iiraan

Ra’iisul Wasaaraha Pakistan Shehbaz Sharif ayaa sheegay in dadaallo xooggan ay socdaan si loo xalliyo arrimaha weli u harsan ee u dhexeeya Maraykanka iyo Iiraan.

Wuxuu sheegay in wada-hadalladii ka dhacay Islamabad ay ahaayeen kuwo taariikhi ah inkastoo aan weli laga gaarin heshiis rasmi ah.

Dhex dhexaadinta ayaa weli socota waxaana rajada lagu qabaa in mustaqbalka dhow horumar la sameeyo.

Pakistan iyo dalal kale oo gobolka ah ayaa sii wada dadaallada lagu yareynayo xiisadda labada dhinac.