Sacuudiga Oo Dhulka Saxaraha ah ka Bilaamay Warshado soo Saara Gantaalada Ridada-dheer.

Sacuudiga ayaa iskudayaya inuu noqdo dalka xiga Iiraan ee Bariga dhexe oo leh warshado soo saara gantaallada riddada dheer.

Warbixin ay maanta baahisay Reuters, lagu sheegay inuu Sacuudigu ballaarinayo warshado uu ka sameeyay dhul saxaro iyo buuralay ah oo ku dhow Al-Duwadimi, oo qiyaastii 200 km galbeed kaga beegan caasimadda Riyadh.

Warbixintan ayaa sidoo kale lagu sheegay Sacuudiga, inuu soo saari karo gantaallo madaxyo culus oo wax burburiya riddana dheer bilowga sannadka 2027 ama ka hor dhammaadka sannadkan, taasoo Sacuudiga siinaysa awood wax soosaar gudaha ah.