Iiraan ayaa si rasmi ah ugu dhawaaqday inay xireyso oo ay ka hortagayso wax maraakiib ganacsi ah inay maraan Badda Cas illaa Gacanka Cumaan , haddii Mareykanka uu sii wado qorshaha uu isku dayayo inuu go’doomiyo dekedaha Iiraan, sida uu shaaciyay taliyaha xarunta taliska guud ee Khaatam al-Anbiya ee ciidanka Iiraan, Ali Abdollahi Aliabadi.

Trump,isagoo ka dab qaadanaya Netanyahu wuxuu dunidda u sheegay inuu ka hortagayo khatarta Iiraan oo dhibaato taagan joojinayo, balse go’aanka Trump wuxuu dhaliyay dhibaatooyin aan horey u jirin,laga billaabo xirnaashaha Hormuz oo saameysay dunidda oo dhan iyo hanjabaada Iiraan ka soo baxaysa ee Badda Cas iyo Gacanta Cumaan, taa oo haddii ay dhacdo burbur dhaqaale iyo sicir barar aan horey loo arag dunidda dhexda u galinaysa.

Ku sii dhex jirka dagaalkan, wuxuu daqiiqad kasta sare u qaadayaa Trump oo luminaya saameyntiisa iyo Iiraan oo sare u qaadaysa kaararkeeda cadaadiska caalamiga ah.

Israel ayaa Michael Lotem usoo magacowday safiirkeeda cusub ee Jamhuuriyadda Somaliland.

Sida uu ku warramay Telefishinka Telaabiib ee i24TV, Amb.Michael Lotem oo xilligan ah Dajiraha Israa|l Arrimaha Dhaqaalaha Afrika, wuxuu noqonayaa ‘Danjire aan degeneyn’ oo Israa|l u qaabilsan Somaliland.

Lotem waa diblumaasi ku xeeldheer siyaasadda & dhaqaalaha Afrika, soona noqday Danjiraha Israa|l ee Kenya, Uganda, Tansaaniya & Seychelle.

Magacaabista Danjiraha ayaa imanaysa, iyada oo lagu in MW Cirro ui socdaal dhawaan ku tago Israa|l, ka dib aqoonsigii.

Taariikhda waa markii ugu horreysay ee dal si rasmi ah safiir ugu soo magacaabo JSL.

Wakaaladda wararka ee Tasnim, oo xiriir dhow la leh ciidanka Ilaalada Kacaanka Islaamiga ah ee Iiraan (IRGC), ayaa sheegtay in Iiraan ay go’aan ka gaari doonto wareegga xiga ee wadahadallada ay la yeelanayso Maraykanka ka dib marka ay maanta kulan la qaadato wefdiga ka socda Bakistaan, iyadoo soo xiganaysa “ilo xog-ogaal ah”.

Waxay sheegeen in haddii Maraykanka iyo Israa’iil ay ku heshiiyaan xabbad-joojin lala galo dalka Lubnaan, ay taasi u noqon doonto “calaamad wanaagsan oo saameyn ku leh go’aanka Iiraan” ee ku aaddan wareegga xiga ee wadahadallada.

Si kastaba ha ahaatee, Tasnim ayaa sidoo kale sheegtay in Maraykanka looga baahan yahay in uu raaco “qaab macquul ah oo wadahadal ah”, isla markaana uusan “caqabad ku noqon habka wada-hadalka isagoo dalabaad xad-dhaaf ah keenaya” ama jebinaya ballanqaadyadii hore ee la xiriiray xabbad-joojinta.

Tasnim waxay sidoo kale xustay in warbaahinta Maraykanku ay sheegtay inay Washington diyaar u tahay inay bilowdo wareegga xiga ee wadahadallada, balse wefdiga Iiraan ayaa ku adkeeyay inay lagama maarmaan tahay in Maraykanku “ilaaliyo mabaadi’da gaarka ah ee looga baahan yahay bilaabista wadahadal macquul ah”.

Trump oo la hadlay Fox News ayaa sheegay inuu warqad codsi ah u diray madaxwaynaha Shiinaha Xi. isagoo ka codsaday inayna hub u dirin Iran waxuuna yiri;

“Waxaan warqad u qoray madaxweynaha Shiinaha ,Xi. Waxaan ka codsaday inuusan hub siin Iiraan, Way ogolaadeen inaanay hub u dirin dalka ii-raan.

Trump ayaa sheegay inuu warqad jawaab ah ka helay madaxwaynaha Shiinaha, wuxuuna ii sheegay in uusan sidaas sameynayn.”

Madaxweyne Xi ayaa si weyn laabta ii gelin doona markaan halkaa tago toddobaaddo gudahood. waxayna aad ugu faraxsan yahiin inaan furo marinka Hormuz, iyaguna awgood ayaan u samaynayaa.

Si aad u wanaagsan oo maskaxi ku jirto ayaan u wada-shaqaynaynaa. Taasi miyaanay dag*aalka ka wanaagsanayn?

LAAKIIN XASUUSNOW, aad baanu ugu wanaagsannahay dirirta, haddii aanu dirirno— cid kasta oo kale waanu kaga wanaagsannahay!

Maxkamad ku taalla magaalada Nairobi ee caasimadda dalka Kenya ayaa xukun ku riday nin u dhashay Shiinaha oo lagu qabtay isaga oo tahriibinaya 2000 oo ah Qudhaanjada dalkaas laga helo.

Ninkan ayaa sidoo kale lagu xukumay in uu bixiyo ganaax lacageed oo dhan 7700 oo Dollarka Maraykanka ah.

Kenya ayaa dagaal aad u adag ka gashay tahriibinta Qudhaanjada iyada oo muddooyinkii la soo dhaafay gacanta ku soo dhigtay dad ajaanib ah oo Qudhaanjo tahriibinayey.

Mareykanka oo diraysa 10,000 askari oo dheeraad ah Bariga Dhexe inkastoo xabbad joojin lala galay Iran

Warbixinta waxay muujinaysaa in United States ay qorsheyneyso inay kordhiso joogitaankeeda militari ee Bariga Dhexe inkastoo xabbad joojin ay la gashay Iran.

In ka badan 10,000 askari oo dheeraad ah ayaa la filayaa in la geeyo gobolka ka hor dhammaadka bisha Abriil.
Qiyaastii 6,000 oo askari ayaa la socda markabka dagaalka ee USS George H.W. Bush iyo maraakiibta ilaaliya halka 4,200 oo kale ay ka tirsan yihiin Boxer Amphibious Ready Group iyo 11th Marine Expeditionary Unit.

Tani waxay kordhinaysaa awoodda militari ee Mareykanka ee gobolka iyadoo tirada guud ee ciidamada la sheegay inay gaareen ilaa 50,000 tan iyo markii dagaalku billowday 28ka Febraayo.

Sidoo kale joogitaanka markabka USS Abraham Lincoln iyo USS Gerald R.Ford ayaa ka dhigaya in saddex diyaaradood oo xambaara diyaarado dagaal ay joogaan Bariga Dhexe.

Dhanka kale United States Central Command ayaa sheegtay in ay si buuxda u hirgelisay xannibaad badeed (naval blockade) oo ay ku joojisay ganacsiga badda ee Iran.

Si kastaba ha ahaatee xogaha raadraaca maraakiibta ayaa muujinaya in qaar ka mid ah maraakiibta ay wali ka gudbeen marinka Strait of Hormuz.

Madaxweynaha Donald Trump ayaa sidoo kale sheegay in wadahadallo cusub oo lala yeesho Iran ay dhici karaan maalmaha soo socda gudaha Pakistan kadib markii kulankii hore ee Islamabad uu ku dhammaaday natiijo la’aan.

Guud ahaan tallaabooyinkan waxay muujinayaan laba jihood oo isku mar socda: cadaadis militari oo sii kordhaya iyo dadaallo diblomaasiyadeed oo lagu doonayo xal siyaasadeed iyadoo weli ay jirto suurtagalnimada weerarro kale ama hawlgallo dhulka ah haddii wadahadalladu fashilmaan.

Diyaarad milatari oo ah nooca A400M Atlas oo ay leeyihiin ciidanka Cirka Turkiga, ayaa maanta iyo shalay ka qaaday garoonka Aadan Cadde ee Muqdisho ciidamo Soomaaliyeed oo loo qaaday Turkiga si ay u qaataan tababaro gaar ah oo la xiriira ciidamada gaarka ah (Special Forces).

Saraakiil ayaa xaqiijiyay in duulimaadyo kale ay jiri doonaan maalmaha soo socda, iyadoo ciidamo dheeraad ah loo qaadi doono tababaro sare.

Soomaaliya iyo Turkiga ayaa ku heshiiyay in inta badan ciidanka lagu tababaro gudaha dalka, gaar ahaan xerada TurkSom ee Muqdisho, halka ciidamo gaar ah oo ka tirsan cutubyada Gorgor loo qaado Turkiga si ay u helaan tababaro heer sare ah oo ku saabsan howlgallada gaarka ah iyo la dagaalanka argagixisada.

Taliyaha Ciidanka gaar ah ee Soomaaliya Gen Aadan Dheere ayaa garoonka ka sagootiyay si ay muujinayaan muuqaalo laga soo duubay.

Afhayeenka Wasaaradda Arrimaha Dibadda ee Iran, Esmaeil Baqaei, ayaa sheegay in Mareykanku si fiican u ogyahay in aan la aqbali karin soo jeedintiisa haddii lagu xiro shuruudo keli-talis ah.

Baqaei ayaa xusay in arrintaas ay si buuxda uga hor imaaneyso mabda’a wada-xaajoodka iyo wadahadalka, isagoo muujiyay mowqif adag oo Tehran ka taagan tahay shuruudaha Washington.

Sarkaal sare oo ka tirsan Mareykanka ayaa sheegay in Mareykanku uusan si rasmi ah u oggolaan kordhinta xabbad-joojinta uu la leeyahay Iran, sida ay baahisay wakaaladda Reuters.

Sarkaalka ayaa xusay in wali ay socdaan wada-xiriirro u dhexeeya labada dhinac si loo gaaro heshiis cusub.

Dhanka kale, Ra’iisul Wasaaraha Pakistan, Shehbaz Sharif, ayaa riixaya in dib loo bilaabo wadahadallada, xilli Donald Trump uu sheegay in kulamo cusub ay ka dhici karaan Pakistan maalmaha soo socda.

Arrintan ayaa muujineysa in rajada diblomaasiyadeed ay weli jirto, inkastoo aan wali la gaarin heshiis rasmi ah.