Wakiilka Dimuqraadiga ee Congress-ka Mareykanka, xildhibaan Ilhan Omar, ayaa ku eedeysay Madaxweynaha Mareykanka Donald Trump inuu yahay hoggaamiye kufsada carruurta.
Xildhibaanadda asal ahaan ka soo jeedda Soomaaliya ayaa sheegtay Trump inuu yahay qof kufsada carruurta, iyadoo soo jeedisay in la dilo.
“Hoggaamiyaha Kufsada Carruurta wuxuu isku dayayaa inuu indhaha ka jeediyo in magaciisu ku badan yahay faylasha Epstein,” ayay Ilhan Omar qortay.
“Madaxweyne Donald Trump iyo xisbigiisa ayaa laga yaabaa inay neceb yihiin Soomaaliya, balse ugu yaraan Soomaaliya waxay dil ku fulisaa dadka kufsada carruurta (pedophiles) halkii ay dooran lahayd,” ayy tiri Xildhibaan Ilhan Omar.
Xildhibaanadda Dimuqraadiga ah ee ka socota gobolka Minnesota ayaa baraha bulshada ku qortay hadalkan, iyadoo u muuqata inay muujinayso caro ay ka qabto Madaxweynaha Mareykanka, kaddib markii Trump uu si xun uga hadlay dalka ay ku dhalatay wareysi uu siiyay Fox habeenkii Talaadada.
Madaxweyne Trump ayaa ku sheegay in muhaajiriinta Soomaaliyeed ay waxyeello u geysanayaan gobolka.