Madaxweynaha Puntland oo iskushaandheyn & magacaabis ku sameeyey Hoggaannada iyo Taliyaasha Booliiska ee Gobollada PL:

Qodobka 1-aad
(Magacaabid Taliye ku xigeen iyo Hogaamo)

1. S/Guuto Cabdulqaadir Jaamac Dirir Taliye Ku-xigeenka 2-aad ee Ciidanka Booliska Dowladda Puntland
2. G/Sare Yuusuf Axmed Ciise Taliyaha Kuliyada Tababarka Booliska ee Carmo.
3. G/Sare Maxamuud Cabdixakiin Yuusuf Taliyaha Hoggaanka Baarista Dambiyada (CID) Dowladda Puntland
4. G/le Samiiro Cabdullaahi Maxamed Taliye Ku-xigeenka Hoggaanka Dambiyada (CID) Dowladda Puntland
5. G/Sare Faarax Nuur Maxamed Taliyaha Hoggaanka Kormeerka Ciidanka Booliska Dowladda Puntland
6. G/le Cabdirisaaq Axmed Jaamac Taliye Ku-xigeenka Hoggaanka Kormeerka Ciidanka Booliska Dowladda Puntland
7. G/Sare Sekeriye Cabdiraxmaan Maxamed Taliyaha Hoggaanka Tababarada iyo Qorshaynta Ciidanka Booliska Dowladda Puntland
8. G/Sare Cabdirisaaq Ismaaciil Xasan (Darwiish) Taliyaha Hoggaanka Hawlaha Ciidanka Booliska Dowladda Puntland
9. G/Dhexe Faadumo Cabdulqaadir Cali Taliyaha Hoggaanka Ilaalinta Deegaanka Ciidanka Booliska Dowladda Puntland
10. G/Sare Xuseen Cali Maxamuud Taliyaha Hoggaanka Xiriirka Bulshada Dowladda Puntland
11. G/le Cabdikhadar Maxamuud Axmed Taliye Ku-xigeenka Hogaanka Xiriirka Bulshda Dowladda Puntland

Qodobka 2-aad
(Magacaabid Taliyayaasha Qaybaha)

1. G/Sare Maxamuud Muuse Bille Taliyaha Qaybta Booliska Gobolka Mudug
2. G/le Ayuub Siciid Cali (Dheeg) Taliye Ku-xigeenka Qaybta Booliska Gobolka Mudug
3. G/sare Fu’aad Maxamuud Xuseen Taliyaha Qaybta Booliska Gobolka Nugaal
4. G/Dhexe Ayax Jamaal Axmed Taliye Ku-xigeenka Qaybta Booliska Gobolka Nugaal
5. G/Sare Siciid Aadan Siciid Taliyaha Qaybta Booliska Gobolka Bari
6. G/dhexe Maxamed Bashiir Ismaaciil Taliye Ku-xigeenka Qaybta Ciidanka Booliska Gobolka Bari
7. G/Sare Bashiir Maxamed Maxamuud Taliyaha Qaybta Booliska Gobolka Karkaar
8. G/le Xudayfi Xuseen Cismaan Taliye Ku-xigeenka Qaybta Ciidanka Booliska Gobolka Karkaar
9. G/Sare Siciid Ducaale Faarax Taliyaha Qaybta Booliska Gobolka Haylaan
10. G/sare Cabdinaasir Maxamed Muuse (Shaati) Taliyaha Qaybta Booliska Gobolka Sanaag
11. G/le Siciid Faarax Ibraahin Taliye Ku-xigeenka Qaybta Booliska Gobolka Sanaag
12. G/Sare Maxamuud Maxamed Cabdulle (Shoox) Taliyaha Qaybta Booliska Gobolka Raas Casayr.

Madaxweynaha Kuuba ayaa sheegay in shacabka Kuuba ay diyaar u yihiin iney dagaalamaan oo ay difaacaan dalkooda iyo nidaamkooda Kacaanka hadii loo baahdo.

Madaxweynaha Kuuba ayaa yidhi “Hadii 32 askari oo Kuubaan ah ay ku dhinteen Venezuela iyagoo difaacaya Madaxweynihii Dalkaas Maduro, markaa malaayiin Kuubaan ah maxay sameyn lahaayeen hadii ay noqoto iney difaacaan dalkooda Kuuba iyo Kacaankooda.”

Hadalka Madaxweynaha Kuuba ayaa yimid xili uu Madaxweynaha Mareykanku dhowr jeer ku hanjabay inuu Kuuba qabsan doono oo ay ku xigto Iiraan.

FG: Ciidamada Kuuba waxay qayb ka ahaayeen Ciidamadi gaarka ahaa ee ilaalin jirey Maduro, Madaxweynihii Venezuela ee Mareykanku qabtay.

HNN: Askari Faransiis ah oo ka tirsanaa UNIFIL ayaa lagu dilay weerar ka dhacay Lebanon. Dhacdadan dhimashada leh waxay timid maalmo yar kadib markii Israel iyo Lebanon ay ku dhawaaqeen xabbad-joojin 10 maalmood ah.

Askari Faransiis ah oo ka tirsanaa howlgalka nabad-ilaalinta ee Qaramada Midoobay ee Lebanon ayaa la dilay, saddex kalena waa lagu dhaawacay weerar ay UNIFIL iyo mas’uuliyiinta Faransiisku sheegeen in ay u badan tahay inay fuliyeen Hezbollah.

Saddex kale oo ka tirsan howlgalka nabad-ilaalinta ayaa sidoo kale ku dhaawacmay weerarka ka dhacay tuulada Ghandouriyeh ee koonfurta Lebanon, sida ay UNIFIL sheegtay Sabtidii, laba ka mid ahna dhaawacoodu waa culus yahay.

UNIFIL waxay sheegtay in qiimeyn hordhac ah ay muujisay in weerarka uu ka yimid kooxo aan dowladeed ahayn, laguna tuhunsan yahay Hezbollah, isla markaana baaritaan la bilaabay oo ku saabsan waxa ay ku tilmaantay “weerar ula kac ah”.

Wicitaanno uu la yeeshay Madaxweynaha Lebanon Joseph Aoun iyo Ra’iisul Wasaaraha Lebanon Nawaf Salam, Madaxweynaha Faransiiska Emmanuel Macron ayaa cambaareeyay “weerarka aan la aqbali karin”, sida lagu sheegay bayaan kasoo baxay xafiiskiisa Sabtidii.

Emmanuel Macron ayaa sidoo kale sheegay in caddeymaha ilaa hadda ay tilmaamayaan kooxda hubeysan ee Lubnaan, wuxuuna ku boorriyay dowladda Lebanon inay tallaabo ka qaaddo kuwa mas’uulka ka ah.

Kooxda hubeysan ee xiriirka la leh Iran ayaa diiday eedeymaha, iyagoo ku baaqay “in laga fiirsado bixinta xukunno ku saabsan dhacdada”.

“Waxaan beenineynaa in wax xiriir ah oo naga dhexeeya dhacdada ku dhacday ciidamada UNIFIL ee ka dhacday deegaanka Ghandouriyeh ee Bint Jbeil, ayna jirin” ayay Hezbollah ku tiri bayaan.

Wasiirka Ciidamada Qalabka Sida ee Faransiiska Catherine Vautrin ayaa sheegtay in roondada la weeraray iyadoo ku jirtay howlgal ay ku furaysay waddo loo maro saldhig ay leeyihiin UNIFIL oo go’doon ku noqday dagaallada ka socda aaggaas. Waxay intaas ku dartay in askariga lagu dilay rasaas toos ah oo hub fudud ah.

Ciidamada Lebanon ayaa cambaareeyay weerarkan, waxayna sheegeen in ay bilaabeen baaritaan ku saabsan dhacdada.

Madaxweyne Joseph Aoun ayaa sidoo kale tacsi u diray, wuxuuna amray in si degdeg ah loo bilaabo baaritaan, halka Ra’iisul Wasaare Nawaf Salam uu cambaareeyay weerarka.

Heemaal News Network.

Hindiya ayaa si weyn uga xanaaqday Iiraan kadib markii la weeraray maraakiib shidaal oo Hindiya leedahay xilli ay marayeen marin biyoodka Hormus, ciidanka Kacaanka Iiraan ayaa la sheegay iney rasaas ku fureen maraakiibtaasi.

Shaqaalihii maraakiibtaasi saarnaa ayaa la sheegay inay bad qabaan. Dhacdadan ayaa timid kadib markii Iiraan ay si kumeel gaadha dib ugu furtey marinka Hormus, kaasoo xidhnaa mudo 50 maalmood ah.

Dhinaca kale Wasiir Ku-xigeenka Arrimaha Dibada Iiraan ayaa sheegay in Iiraan ay kaliya nafteeda difaacayn balse ay u socoto iney difaacdo dhamaan dalalka gobolka ku yaala .

Hase ahaatee hadalkan maaha mid ay soo dhaweyn doonaan dalalka Carabeed ee gobolku, kuwaaso sheegtay iney Iiran Khiyaantay oo ay ku qaaday weeraro kadisa oo ay marnaba ka filaneyn.

Wasiirka Arrimaha Dibadda ee Masar, Badr Abdelatty, ayaa ku dhawaaqay in Masar iyo Pakistan ay si “aad u dhab ah” uga shaqeynayaan dhexdhexaadin si loo fududeeyo heshiis kama dambeys ah oo u dhexeeya Mareykankaiyo Iran.

“Waxaan rajeyneynaa inaan gaarno heshiiskan maalmaha soo socda,” ayuu yiri, isaga oo ka qeyb galaya madasha diblamaasiyadda Antalya ee ka socda Türkiye.

Isagoo ka hadlayay cawaaqibta dagaalka, wuxuu intaas ku daray in “aan kaliya gobolka, balse dunida oo dhan ay la kulmi doonto dhibaato haddii colaaddan ay sii socoto.”

Wasiirka ayaa sidoo kale carrabka ku adkeeyay in dadaallada lagu horumarinayo wadaxaajoodyada ay si dhab ah u socdaan.

Dalalka Carbeed ee gobolka ayaa lagu amaanay iney muujiyeen dulqaad oo ay si wayn isku xakameeyeen oo wax jawaab milatari ah aysan ka bixin weeradada Iiraan, taasoo hadii ay dhici lahayd la aaminsan yahay iney cirka ku laali lahayd nabadda gobolka oo marka horeba aan ku taagneyn luga adag.

Dalalka Carabta, gaar ahaan Sucuudiga iyo Imaaraadka ayaa dhawr mar qarka u gaadhay iney ka jawaabaan weeradada Iiraan balse markii dambe waxay go’aan ku gaadheen iney is xakameeyaan oo ay wax jawaab ah bixin.

Gobolku hada wuxuu rajo ka qabaa waan-waanta ay Pakistan ka dhex wado Iiraan iyo Mareykanka, taasoo la quudareynayo iney dib usoo celin doonto xasiloonida iyo nabadii gobolka.

Golaha Sare ee Amniga Qaranka ee Iran, oo ah hay’adda ugu sarreysa amniga dalka, ayaa sheegay telefishinka dowladda in Tehran ay “go’aansatay inay hirgeliso kormeer iyo xakameyn ku saabsan marista maraakiibta ee marinka Hormuz ilaa dhammaadka kama dambaysta ah ee dagaalka iyo hirgelinta nabad waarta oo gobolka ah.”

Bayaan-ka ayaa lagu sheegay in tallaabadan lagu fulin doono iyadoo la ururinayo xog dhammaystiran oo ku saabsan maraakiibta maraya, la siinayo shahaadooyin oggolaansho safar , iyo in laga qaado lacagaha adeegyada la xiriira marista.

Tani waxay muujinaysaa in Iran ay dooneyso inay si rasmi ah u nidaamiso oo u maamusho socodka maraakiibta maraya marinka Hormuz, oo ka mid ah marinnada ugu muhiimsan ee ganacsiga tamarta caalamiga ah.

Dhinaca kale Donald Trump ayaa ka hadlay xaaladda Iran isagoo ku sugan Xafiiska Oval ayaa sheegay in ay jiraan “wada-hadallo aad u wanaagsan oo socda” oo la xiriira Iran, balse wuxuu ku tilmaamay in Iran ay u dhaqmayso “si yar oo kaftan ama xeelad ah sida ay samaynayeen 47 sano ee la soo dhaafay.”

Trump wuxuu sidoo kale sheegay in hoggaamiyeyaasha Iran ay doonayaan inay xiraan Hormuz, balse Mareykanku uusan oggolaan doonin in la “rakaato iyo caga-jugleyn” lagu sameeyo.

Wuxuu intaas ku daray in Mareykanku uu qaadanayo mowqif adag oo ku saabsan arrintan.

Dagaal ayaa ka bilaabmay deegaanka Bolol oo ka tirsan degmada Gogti ee dawlad deegaanka Somalida.

Dagaalkan ayaa u dhexeeya beelo wada dega halkaasi gaar ahaan Beesha Ree Dudub Gadabuursi iyo beesha Ciise, faah-faahin dheeraad ah laga hayo dagaalkan

Lama oga khasaaraha ka dhashay dagaalkan iyo sababta keentay colaadan bale waxaa loo badaniyaa inuu daba-socdo colaada beelahan ee mudooyinkii denbe ka dhex-socotay .

Waxaan hadda helnay war cusub oo ka yimid ururka badaha UK ee (UKMTO) oo ku saabsan dhacdo ka dhacday meel qiyaastii 25 mayl dhanka badda ah u jirta waqooyi-bari ee Cuman.

Waxay sheegeen in markab xamuul (container ship) lagu dhuftay “walax aan la aqoonsan oo qarax ama gantaal u eg,” taas oo sababtay dhaawac soo gaaray qaar ka mid ah kunteendharada xamuulka ee saarnaa markabka.

Mas’uuliyiinta ayaa hadda baaritaan ku wada dhacdadan, sida ay sheegtay hay’addaUKMTO.

Iraan oo dib u furtay lix ka mid garoomada diyaaradeed

Maghsoud Asadi Samani, oo ah xoghayaha ururka shirkadaha diyaaradaha Iran, ayaa sheegay in garoomada diyaaradaha ee Imam Khomeini International Airport iyo Mehrabad Airport ee magaalada Tehran, iyo sidoo kale garoomada Mashhad, Birjand, Gorgan, iyo Zahedan dib loo furay.

Wuxuu sheegay in shirkadaha diyaaradaha ay isku diyaarinayaan inay bilaabaan duulimaadyo gudaha iyo kuwa caalami ah.

shirkadaha diyaaradaha ayaa sidoo kale la faray inay helaan oggolaanshaha lagama maarmaanka ah isla markaana ay la shaqeeyaan hay’adda duulista hawada ee Iran.

Horey, hay’adda duulista rayidka ayaa ku dhawaaqday in qayb ka mid ah hawada dalka iyo tiro ka mid ah garoomada diyaaradaha dib loo hawlgeliyay laga bilaabo maanta.

Iyadoo la raacayo go’aankan, marinnada hawada ee qaybta bari ee dalka ayaa loo furay duulimaadyada caalamiga ah.

Tan iyo bilowgii dagaalka 29-kii Maarso iyo weerarradii ay Israel iyo United States ku qaadeen Iran, hawada dalka ayaa si buuxda loo xiray.

Intii uu socday dagaalka, Israa’iil iyo Mareykanka ayaa bartilmaameedsaday dhowr garoon diyaaradeed oo ku yaalla magaalooyin kala duwan oo Iran ah.

Kooxda Xuutiyiinta Yemen ee loo yaqaan Ansar Allah ayaa si adag uga hadashay dhaqdhaqaaqyo ay ku tilmaamtay faragelin ay Israel ka waddo Somaliland, iyagoo arrintaas ku sifeeyay “khad cas” aan la aqbali karin.

Bayaan kasoo baxay wasaaradda arrimaha dibadda ee kooxdaas ayaa lagu sheegay in Israa’iil ay isku dayeyso inay saldhig ka sameysato Somaliland, taas oo ay ku tilmaameen mid halis ku ah madaxbannaanida iyo midnimada Soomaaliya.

Waxa kale oo ay xuseen wararka sheegaya in Israa’iil ay safiir u magacowday magaalada Hargeysa, ay tahay xad gudub oo aan la aqbali karin.

Xuutiyiintu waxay ugu baaqeen dalalka ku teedsan Badda Cas iyo guud ahaan waddamada Carabta iyo Islaamka inay qaadaan tallaabooyin cad oo lagaga hortagayo waxa ay ku sheegeen “qorshayaal Israa’iil” oo khatar ku ah gobolka.

Waxay intaas ku dareen in joogitaanka Israa’iil ee Soomaaliya uu saameyn xun ku yeelan karo amniga marin-biyoodka muhiimka ah sida Badda Cas iyo Gacanka Cadmeed.

Hanjabaada Xuutiyiinta ayaa daba socota xiriirka sii xoogaysanaya ee Somaliland iyo Israa’iil, iyaga oo ka cabsi qabta in Israa’iil ay Somaliland ka samaysan karto saldhig ciidan oo ay ka weerarto Yemen, madaama Somaliland ay Yemen udhawdahay.